حكومەت، لە دابەشكردنی مووچەدا بە داهاتی نەوت، جیاوازیی لەنێوان سلێمانی لەگەڵ هەولێر و دهۆكدا كرد، پارە بۆ بانكەكانی سلێمانی نەنێردرا.
ئەمڕۆ دەستكرا بە دابەشكردنی مووچەی مانگی ڕابردووی فەرمانبەران و مووچەخۆران و لە وەزارەتی تەندروستییەوە دەستپێكرا، وەك پێشتریش ڕاگەیەندرابوو، مووچەكە لە داهاتی نەوتی ئەم مانگە دەدرێت، بەڵام حكومەت هیچ بڕەپارەیەكی بۆ بانكەكانی سلێمانی نەنارد و مووچەی تەندروستی لە سنوورەكانی سلێمانی و هەڵەبجە دابەشنەكرا.
لەكاتێكدا پارە بۆ بانكەكانی هەولێر و دهۆك نێردراوە و مووچەی فەرمانگە تەندروستییەكانی ئەو سنوورە دابەشكرا.
