چین دەستپێشخەریی گفتوگۆ بۆ ڕوسیا و ئۆكرانیا دەكات

وانگ یی، وەزیری دەرەوەی چین – فۆتۆ، ڕۆیتەرز

چین نێوەندگیری لەنێوان ڕوسیا و ئۆكرانیادا دەكات و فەرەنسا هۆشداری دەدات لە پەڕینەوەی جەنگ بۆ ئەوروپا

حكومەتی چین، پێشنیازی نێوەندگیریكردن لەنێوان ڕوسیا و ئۆكرانیادا دەكات لەپێناو ڕاگرتنی جەنگ، حكومەتی فەرەنساش هۆشداری دەدات لەوەی جەنگەكە هەڵبكشێت و بپەڕێتەوە بۆ خۆرئاوای ئەوروپا.

وانگ یی، وەزیری دەرەوەی چین ئەمڕۆ دووشەممە ڕایگەیاند، وڵاتەكەی ئارەزوومەندە بەنزیكترین كات وتووێژ لەنێوان ڕوسیا و ئۆكرانیادا ڕێكبخات.

وەزیری دەرەوەی چین ئەو دەستپێشخەرییەی لە كۆنگرەیەكی ڕۆژنامەوانیدا ئاشكراكرد و وتی، دۆخەكەی ئێستای ئۆكرانیا ئاڵۆزە و لە شەو و ڕۆژێكدا ڕووینەداوە، چارەسەركردنی گرفتە ئاڵۆزەكانیش پێویستی بە ئارامی و ئەقڵمەندییە نەك قووڵكردنەوەی ناكۆكییەكان و بەنزینكردن بە ئاگردا.

هاوكاتی ئەم دەستپێشخەرییەی چین، حكومەتی فەرەنسا هۆشداری دەدات لە زیاتر پەرەسەندنی جەنگی ڕوسیا و ئۆكرانیا و ترسی هەیە لەوەی جەنگەكە هەڵبكشێت و بپەڕێتەوە بۆ خۆرئاوای ئەوروپا.

بابەتی پێشتر

‏"زانكۆكانی هەولێر داهاتیان زۆرە"‏ <br> تا ئێستا لە هەولێر دەرماڵە خەرجنەكراوە و خوێندكاران نیگەرانن

بابەتی دواتر

بافڵ جەلال تاڵەبانی: ڕێگەنادەین سلێمانی ببێتە قوربانیی ململانێکان و ‏ غەدری لێبكرێت‏

بابەتی پەیوەندیدار
Total
0
Share