یاریزانی ئۆکرانیی یانەی مانچستەر سیتی، ئۆلیکساندەر زینچینکۆ ئاماژە بە ئازارەکانی گەلەکەی دەکات و دەڵێت: ئەگەر خێزانەکەم نەبووایە دەگەڕامەوە دژی روسیا دەجەنگام.
زینچینکۆ لە تۆڕە کۆمەڵایەتییەکانەوە دژایەتییەکی توندی ڕوسیا دەکات، لە یەکەم شەوی هێرشەکانی ڕوسیا بۆسەر وڵاتەکەی، وێنەیەکی ڤلادیمێر پوتینی بڵاوکردەوە و لەسەری نووسی، “هیوادارم بە خراپترین شێوە بمریت، ئەی بوونەوەر”، بەڵام پۆستەکەی لەلایەن تۆڕی کۆمەڵایەتیی ئینستگرامەوە سڕدرایەوە.
Oleksandr Zinchenko in attendance at the vigil in St Peter's Square tonight, protesting against the Russian invasion of Ukraine outside the town hall in Manchester city centre.
[Photo via @karlathrelfall] pic.twitter.com/cnpjt1QHqd— City Xtra (@City_Xtra) February 24, 2022
یاریزانەکە لە چاوپێکەوتنێکدا بە گاری لینیکەری ئەفسانەی ئینگلتەرا دەڵێت، “دەتوانم ملیۆنێک وێنە و ڤیدیۆی شارەکانی وڵاتەکەمتان پیشانبدەم، کە وێرانکراون، ئەوەی ڕوودەدات پرۆسەی پاراستنی ئاسایشی ڕوسیا نییە، مەحاڵە، ئەوە جەنگی ڕاستەوینەیە، ئەوەی ڕوودەدات شایەنی قبوڵکردن نییە، پێویستمان بە ڕاگرتنی ئەو جەنگەیە”.
"Imagine the place where you grew up, and it's just empty ground."
In an emotional interview with @GaryLineker, Oleksandr Zinchenko talks about the heartbreak of the war in his homeland.
Watch in full on Football Focus at 12pm GMT, Saturday on @bbciplayer
— BBC Sport (@BBCSport) March 4, 2022
هەروەها دەڵێت، “خەڵکی وڵاتەکەم شتم بۆ دەنێرن، ئەوان خەریکە دەمرن لە برسا، لە ژێرزەمینەکاندا دەخەون و بەردەوام خۆیان شاردووەتەوە، منیش تەنها دەتوانم بگریم، دەمەوێت ڕاستگۆبم لەگەڵتاندا، ئەگەر کچەکەم و خێزانەکەم نەبوونایە، ئێستا دەگەڕامەوە بۆ ئۆکرانیا و دژی روسیا دەجەنگام، من بەو جۆرە لەدایکبووم، خەڵکی وڵاتەکەم دەناسم، بیرکردنەوەیان بە جۆرێکە، دەمرن، بەڵام خۆیان نادەن بەدەستەوە، هەموومان بەو شێوەیە بیردەکەینەوە”.
