وەزیری دارایی و ئابوریی حکومەتی هەرێم لێدوانێكی سەرۆكی حكومەت ڕەتدەكاتەوە، كە ڕایگەیاندبوو وەزیرەكە ئاگاداری داهاتی نەوتە، ئاوات شێخ جەناب دەڵێت تەنها ئاگاداری ئەو داهاتەیە كە دەچێتەوە وەزارەت.
ئاوات جەناب نوری، وەزیری دارایی و ئابوریی حکومەتی هەرێم لە لێدوانێکدا بە میدیای فەرمی بزوتنەوەی گۆڕانی ڕاگەیاند، “ئێمە تەنها ئاگاداری ڕاپۆرتی کۆمپانیای دیلۆیت و ئەو (350) ملیۆن دۆلارەین، کە دێتە سەر هەژماری وەزارەتی دارایی حکومەتی هەرێمی کوردستان.
ئەمڕۆ مەسرور بارزانی، سەرۆکی حکومەتی هەرێمی کوردستان لە کۆنگرەیەکی ڕۆژنامەوانیدا ڕایگەیاند، وەزیری دارایی ئاگاداری داهاتی نەوتە و چەندی بۆ حکومەت دەگەڕێتەوە.
کۆمپانیای دیلۆیت، کۆمپانیایەکی ئەمریکییە و لە بواری وردبینیدا کار دەکات، لە ساڵی 2017وە ڕاپۆرتەکانی وردبینیکردنی کەرتی نەوت و گازی لە هەرێمی کوردستان بڵاودەكاتەوە.
