وه‌زاره‌تى به‌رگریی ئۆكرانیا ئامارێكى نوێی چوار ڕۆژى هێرشه‌كانى ڕوسیاى بۆسه‌ر وڵاته‌كه‌ى بڵاوكرده‌وه.
جێگری وه‌زیری به‌رگری ئۆكرانیا ڕایگه‌یاند، له‌ماوه‌ى چوار ڕۆژى ڕابردووى هێرشه‌كانى ڕوسیا، سوپاى ئۆكرانیا چوار هه‌زار و 300 سه‌ربازى كوشتووه و 146 تانكیشیان تێكشكاندووه به‌وه‌ش زیانه‌كانى ڕوسیا زیادیكرد.
هاوكات وه‌زاره‌تى به‌رگریی ڕوسیا بڵاویكرده‌وه، له‌ماوه‌ى ئه‌م چوار ڕۆژه‌دا 975 ژێرخانی سەربازیی ئۆکرانیایان کردووەتە ئامانج.
23 خاڵ و سه‌نته‌رى په‌یوه‌ندی سوپاى ئۆكرانیا و 31 پارچه سیسته‌مى ئێس 300 ، 48 ڕادار، هه‌شت فڕۆكه‌ى شه‌ڕكه‌رو 11 فڕۆكه‌ى بێفڕۆكه‌وانیان تێكشكاندووه.
ئه‌وه‌ش له‌كاتێكدایه، شه‌ڕ و ڕووبه‌ڕووبوونه‌وه تاوه‌كو ئێستا له خاركیڤ و كیێڤ به‌رده‌وامى هه‌یه و به‌پێی ئاماره‌كان 64 هاوڵاتیى مه‌ده‌نى كوژراوه و 160 هه‌زار هاوڵاتیش ئاواره‌بوون.
