وڵاتێكی عەرەبی بڕیارێكی لە بەرژەوەندیی ڕەگەزگۆڕەكان دا

دادگای دەستووریی كوەیت دەڵێت، ئەو یاسایەی گۆڕینی ڕەگەز بە تاوان دەناسێنێت، نادەستوورییە.

ماددەی 198ی یاسای سزادانی كوەیت، گۆڕینی ڕەگەزی مرۆڤی بە تاوان ناساندووە، یاساكە ساڵی 1960 دەرچوێندراوە و ساڵی 2007 هەمواركراوەتەوە.

لە هەموارەكەی ساڵی 2007دا، سزا بۆ ئەو كەسانە دیاریكراوە كە ڕەگەزی خۆیان دەگۆڕن یاخود لاسایی ڕەگەزی بەرامبەر دەكەنەوە، سزاكە دەگاتە ساڵێك زیندانیكردن یان سەپاندنی سزای دارایی بە بڕی چەندین هەزار دۆلار بەسەر كەسەكەدا.

بەهۆی یاساكەوە، ئەوانەی لە كوەیت ڕەگەزی خۆیان گۆڕیوە ڕووبەڕووی سزای یاسایی و فشاری كۆمەڵایەتی و توندوتیژیی جەستەیی بوونەتەوە، یەكێك لەوانە مەها متێڕی-یە كە چەندین جار لەلایەن پۆلیسی كوەیتەوە دەستگیركراوە و جارێكیان دوو ساڵ لە زینداندا بووە. بە وتەی خۆی، كاتێك لە گرتووخانەیەكی پیاواندا زیندانیكراوە، ڕووبەڕووی دەستدرێژیی سێكسی بووەتەوە.

چالاكوانانی كوەیت، بڕیارەكەی دادگای دەستووری بە دەستكەوت بۆ ڕەگەزگۆڕەكان پێناسەدەكەن. ئەو پارێزەرە كوەیتییەی داواكەی بەرزكردووەتەوە، بە بی بی سی-ی ڕاگەیاندووە، “بڕیارەكەی دادگا حوكمێكی ناوازەیە و ئازادی و دادپەروەری بۆ زۆرێك دەستەبەركردووە”.

بابەتی پێشتر

یەكێتی: دەبووایە مافە دەستوورییەکانی هەرێمی کوردستان ڕەچاوبکرایە

بابەتی دواتر

ڕێگای سەرەكیی كەركوك - بەغداد نۆژەندەكرێتەوە

بابەتی پەیوەندیدار
زیاتر ببینە

ئه‌مریكا: به‌گوێره‌ی كاره‌كانیان هه‌ڵوێستمان به‌رامبه‌ر تاڵیبان ده‌بێت

وتەبێژی وەزارەتی دەرەوەی ئەمریکا ڕایگەیاند، ”هەڵوێستمان بەرامبەر بزوتنه‌وه‌ى تاڵیبان، پەیوەستە بە کارەکانی ئەو بزوتنه‌وه‌یه‌وه‌”. لە کۆنگرەیەکی ڕۆژنامەوانیدا كه‌…
Total
0
Share