ڕوسیا چەندین پێگەی چەکدارانی داعشی بۆردومانکرد

ڕوانگەی سوری بۆ مافەکانی مرۆڤ ڕایگەیاند، فڕۆکە جەنگییەکانی ڕوسیا لە نزیک ڕەقە چەند پێگە و ئۆتۆمبێلێکی چەکدارانی داعشیان بۆردومانکردووە و بەهۆیەوە چەندین چەکداری ڕێکخراوەکە کوژراون.

بەپێی هەواڵی ڕێکخراوەکە، لەو هێرشەی ڕوسیادا بۆسەر چەکدارانی داعش 20 ئۆتۆمبێل و پێگەی داعش بۆردومانکراون و حەوت ئەندامی ڕێکخراوەکە کوژراون و 22 چەکداریش برینداربوون.

هێرشەکانی ڕوسیا لە ناوچە نیمچە بیابانەکانی ڕەقە و ئاسەریا بووە و ڕێگریکراوە لە خۆڕێکخستنەوەی چەکدارەکان.

مۆسکۆ وەک بەهێزترین هاوپەیمانی سوریا بە ئاشکرا هێرشی ئاسمانی لە تەواوی خاکی سوریا بۆسەر چەکدارانی ئۆپۆزسیۆن و داعش ئەنجامدەدات.

دوای هێرشەکەی شانە نووستووەکانی داعش لە گرتووخانەی غوێران لە حەسەکە، هێرشەکان بۆسەر پاشماوەکانی داعش زیادیانکردووە و لە ماوەی چەند هەفتەیەکدا جێگرەوەی ئەبوبەکر بەغدادی کوژرا و لە سوریا و عێراقیش پێگەکانی چەکداران بۆردومانکراون.

بابەتی پێشتر

کامۆ کێیە و دیدی بۆ دونیا و مرۆڤ چی بوو؟

بابەتی دواتر

مادده‌كانى سه‌به‌ته‌ى خۆراك زیادده‌كرێن

بابەتی پەیوەندیدار
Total
0
Share