سەرچاوەیەک لە وەزارەتی بەرگریی عێراق ئاشکرایکرد، وڵاتەکە دەیەوێت لە فەرەنسا و ڕوسیا و پاکستان چەک و پێداویستیی سەربازی بکڕێت.
سەرچاوەیەک لە وەزارەتی بەرگری ڕایگەیاندووە، “لیژنەیەک لە وەزارەت سەردانی وڵاتانی فەرەنسا و پاکستان و ڕوسیا دەکات و لەوێ لەبارەی کڕینی تانک و فڕۆکەی بێفڕۆکەوان و پێداویستیی دیکە گفتوگۆدەکەن”.
بەپێی زانیارییەکان عێراق هەوڵدەدات سەرەڕای بەهێزکردنی هێزەکەی لەناوخۆدا، بە کڕینی پێداویستیی وەک فڕۆکەی بێفڕۆکەوان و سیستمی بەرگریی مووشەکی لە بەرامبەر هێرشی دەرەکیدا خۆی بەهێزبکات.
وەزارەتی بەرگریی عێراق، فڕۆکە و تانک و سیستمی بەرگری لەو چەند وڵاتە دەستنیشانکردووە و دەیەوێت لەگەڵ ئەو وڵاتانەدا لەسەر شێوازی کڕین و پارەکەی ڕێکبکەوێت.
عێراق دەیەوێت 14 فڕۆکەی جەنگی لە جۆری “ڕافال” لە فەرەنسا بکڕێت و بۆ ئەوەش 240 ملیۆن دۆلاری داناوە و لەگەڵ ئەوەشدا نەوت بەرامبەر کڕینی پێداویستییەکان بەکاردەهێنێت.
