وەزارەتی پەروەردە لەبارەی سەپاندنی “حیجاب” لە خوێندنگەكان ڕوونكردنەوەی دا

وەزارەتی پەروەردەی عێراق ڕەتیدەكاتەوە پۆشینی “حیجاب” لە خوێندنگەكان كرابێتە ناچاری، دەڵێت، ئەوە پرسی ئازایی كەسییە و ناتوانن بیسەپێنن.

لە ناوەڕاست و باشووری عێراق دەنگۆی ئەوە بڵاوبووەوە لە خوێندنگەكاندا حیجاب بۆ خوێندكارانی كچ بسەپێنرێت، بەڵام حەیدەر فاروق، وتەبێژی وەزارەتی پەروەردەی عێراق لە لێدوانێكیدا بۆ ڕۆژنامەی سەباح، ڕەتیكردەوە بڕیار و گشتاندنێكی لەوشێوەیە كرابێت، دەڵێت، ئەو پرسە دەچێتە خانەی ئازادیی كەسیی خوێندكارانی كچ و خانەوادەكانیان.

وتەبێژەكەی پەروەردەی عێراق ڕاشیگەیاندووە، كارگێڕیی خوێندنگەكان تەنها دەتوانن جلوبەرگی قوتابخانە دیاریبكەن، بەو مەرجەی لەگەڵ ویست و خواستی خوێندكار یەكبگرێتەوە و بەزۆر بەسەریدا نەسەپێنرێت.

نەیشاردەوە، وەزارەتی پەروەردە مافی ئەوەی نییە خوێندكاری كچ ناچاربكات بۆ كردنی حیجاب، ئەگەر لە خوێندنگەیەكیش ئەوە كرابێت، ئەوە ناگەیەنێت كە بڕیار و گشتاندنی بۆ كرابێت.

بابەتی پێشتر

تووشبوون بە کۆرۆنا 400 ملیۆنی تێپەڕاند

بابەتی دواتر

بۆ یەكەمجار لە سعودیە ژنێك لە مزگەوتی نەبەوی دەكرێتە بەرپرس

بابەتی پەیوەندیدار
زیاتر ببینە

سۆران عومەر: هیچ بەربەستێك لەبەردەم ناردنی 700 ملیار دینارەكە نەماوە و چاوەڕواندەكرێت هەفتەی داهاتوو رەوانەبكرێت

ئەندامێكی ئەنجومەنی نوێنەرانی عێراق رایدەگەیەنێت، هیچ بەربەستێك لەبەردەم ناردنی 700 ملیار دینارەكە نەماوە و چاوەڕواندەكرێت هەفتەی داهاتوو رەوانەبكرێت.…
Total
0
Share