دوای چیرۆکی “دۆسکی ئازاد”، چیرۆکی “ڕێبوار ئیبراهیم” لە شاری مەریوان، نزیکترین ڕووداوی هاوشێوەیە بۆ ئەو کەسانەی دەیانەوێت ڕەگەزی خۆیان بگۆڕن، ئەمەی دووەمیان دوای شکستی هەوڵەکانی بۆ گۆڕینی ڕەگەز، کۆتایی بە ژیانی خۆی هێنا.
ڕێبوار ئیبراهیم، گەنجێکی خەڵکی شاری مەریوان بوو و پێشتر ناسنامەی خۆی وەک ”کچێکی ترەنس” ڕاگەیاندبوو، بەڵام بەهۆی بارودۆخی ئابوری و کۆمەڵایەتی نەیتوانیوە ڕەگەزی خۆی بگۆڕێت، ئەوەش گەنجە کوردەكەی بەرەو گۆشەگیری بردبوو.
بەپێی زانیارییەکانی ڕێکخراوی هەنگاو، کەسوکاری ڕێبوار سەردانی مامۆستای ئاینییان کردووە بۆ چارەسەرکردنی دۆخی ئەو گەنجە و گونجاویی گۆڕینی ڕەگەزی لە ڕوانگەی شەرعەوە، بەڵام ئەوە ڕەتکراوەتەوە و ڕێبوار تووشی خەمۆکی بووە، تا خۆکوشتنی.
پێش ڕێبوار، چیرۆکی “دۆسکی ئازاد” لە هەرێمی کوردستان، دیسانەوە بە مەرگ کۆتاییهات، کاتێک کەسێکی ترەنس هەموو بەربەستەکانی شکاند و ڕەگەزی خۆی گۆڕی، بەڵام برایەکی کۆتایی بە ژیانی هێنا.
