دوای زیاتر لە پێنج ڕۆژ مانەوەی لەناو بیرێكدا، ڕەیان، منداڵە مەغریبییەكە ڕزگاركرا و هێنرایە دەرەوەی بیرەكە، بەڵام دوای چەند دەقەیەك گیانلەدەستدانی منداڵەكە ڕاگەیەندرا.
ڕەیانی تەمەن پێنج ساڵ، لە نیوەڕۆی ڕۆژی سێشەممەوە كەوتبووە ناو بیرێكی وشك بە قوڵایی 32 مەتر، لە گوندێكی هەرێمی شیفشاون لە باكووری مەغریب.
بە درێژایی پێنج ڕۆژ هەوڵەكان بەردەوام بوون بۆ ڕزگاركردنی، ڕووداوەكەش سەرنجی زۆرێك لە میدیا عەرەبی و جیهانییەكانی ڕاكێشا.
كەمێك لەمەوبەر ڕەیان لە بیرەكە دەرهێنرا و برا بۆ نەخوشخانە، بەڵام دوای چەند دەقەیەك لە هەواڵی ڕزگاركردنەكە، تەلەفزیۆنی فەرمیی مەغریب گیانلەدەستدانی ڕەیانی ڕاگەیاند.
