سەرۆك كۆماری عێراق دەڵێت، كاتی چەسپاندنی حكومڕانی باش هاتووە و دەشڵێت، یادكردنەوەی شەهیدان هەلە بۆ پێداچوونەوە بە ئەدای سیاسی.
د. بەرهەم ساڵح، سەرۆك كۆماری عێراق ڕایگەیاند، بەردەوامیی دۆخی ئێستا قبوڵكراو نییە و، ئەمەش یەكێتی و یەكخستنی ڕیزەكانی دەوێت.
وتیشی، “كاتی چەسپاندنی حكومڕانی باش (الحكم الرشيد) هاتووە”.
ئەو وتانەی سەرۆك كۆمار لەمیانەی مەراسیمی ساڵیادی “شەهیدكردنی محەمەد باقر حەكیم”دا بوو و تیایدا ئەوەی خستەڕوو، “یادكردنەوەی شەهیدان هەلێكە بۆ پێداچوونەوە بە ئەدای سیاسی”.
دووپاتیشیكردەوە، “پێویستە پشتیوانیی ڕێڕەوی ئاشتییانەی دیموكراسی بكرێت و هەنگاو بۆ پێكهێنانی حكومەتێكی نوێی بەتوانا بنرێت”.
