فراكسیۆنی سەدر: وتووێژەكان هەڵپەسێردران و بەشداری لە دانیشتنی هەڵبژاردنی سەرۆك كۆماردا ناكەین

فراكسیۆنی سەدر هەڵپەساردنی وتووێژەكان لەگەڵ لایەنە سیاسییەكان و بەشدارینەكردن لە دانیشتنی هەڵبژاردنی سەرۆك كۆمار ڕاگەیاند.

حەسەن عزاری، سەرۆكی فراكسیۆنی سەدر ئەمڕۆ لە كۆنگرەیەكی ڕۆژنامەنوسیدا لەنێو بینای ئەنجومەنی نوێنەرانی عێراق ڕایگەیاند، بە بڕیاری موقتەدا سەدر بڕیاری هەڵپەساردنی وتووێژەكان لەگەڵ لایەنە سیاسییەكان دراوە دەربارەی پێكهێنانی حكومەتی داهاتوو، تا كاتێكی دیكە.

وتیشی، هەر بەپێی بڕیاری سەدر فراكسیۆنەكەیان بەشداریی دانیشتنی بڕیاردراوی 7ی ئەم مانگە تایبەت بە هەڵبژاردنی سەرۆك كۆمار ناكات، جگە لە جێگری یەكەمی سەرۆكی ئەنجومەنی نوێنەران.

بڕیارەكە دوای تویتەكەی دوێنێی موقتەدا سەدر دێت كە تیایدا نوسی، “ئەگەر کاندیدەکەی پارتی هاوپەیمانمان یان هەر کاندیدێکی دیکە بۆ پۆستی سەرۆک کۆمار تەواوی مەرجەکانی تێدانەبێت، ئەوا داوا لە پەرلەمانتارانی چاکسازی دەکەم دەنگی پێنەدەن”.

پێشتر کاندیدکردنی هۆشیار زێباری بۆ وەرگرتنی پۆستی سەرۆک کۆماری عێراق شەقامی عێراقی جوڵاند و ناڕەزاییان پیشاندا لە کاندیدکردنی بەهۆی ئەوەی پێشتر لە دۆسیەی گەندەڵی تێوەگلاوە.

بابەتی پێشتر

ئەمریكا.. بەفر و سەرما سەدان هەزار كەسی بێكارەبا كردووە و هەزاران گەشتی ‏ئاسمانیی ڕاگرتووە

بابەتی دواتر

سەرۆك كۆمار گرنگیی چەسپاندنی حكومڕانیی باش دووپاتدەكاتەوە

بابەتی پەیوەندیدار
زیاتر ببینە

هێرشكردنە سەر كاروانەكان زیانە بۆ عێراق
هاوپەیمانیی نێودەوڵەتی: کاروانە لۆجستییەكان لەلایەن عێراقییەكانەوە دەگوازرێنەوە

وتەبێژی هاوپەیمانیی نێودەوڵەتی دەڵێت، ئەو كاروانە سەربازی و لۆجستییانەی دەكرێنە ئامانج هی هاوپەیمانان نین و عێراقییەكان خۆیان ئەو…
Total
0
Share