فەرماندەی هێزەکانی سوریای دیموکرات “هەسەدە” ڕایگەیاند، سوپاسی ئەمریکا دەکەن بۆ پشتیوانیی بەردەوامیان لە لێدانی سەرکردەکانی داعش و پێکەوە دەمارێکی دیکەی داعشیان بڕیوە.
مەزڵوم عەبدی لە تویتێکدا لە تۆڕی کۆمەڵایەتیی تویتەر ڕایگەیاند، “کوشتنی ئەلقوڕەیشی ڕۆحی 121 شەهیدی ئەم دواییەی هێزە ئەمنییەکانی ڕۆژئاوا ئاسوودە دەکات، کە لە شەڕی بەندیخانەکەی حەسەکەدا شەهیدبوون”.
ئەوە لە کاتێکدایە جۆن کێربی، وتەبێژی وەزارەتی بەرگریی ئەمریکا پێنتاگۆن لە کۆنفرانسێکی رۆژنامەوانیدا ڕایگەیاند، “هێزەکانی سوریای دیموکرات یارمەتیدەربوون بۆ ئەوەی ئەم ئۆپەراسیۆنە ئەنجامبدەین”.
