بەڕێوەبەرایەتیی گشتیی حەج و عومرە ڕوونكردنەوەیەك لەسەر گرتە ڤیدیۆییەك بڵاودەكاتەوە كە ناڕەزایەتی بەشێك لە حاجیانی هەرێمی كوردستانە لەبارەی پێدانی خواردنەوە.
بەڕێوەبەرایەتیی گشتیی حەج و عومرە بە چەند خاڵێك ڕوونكردنەوە لەسەر گرتە ڤیدیۆییەكە بڵاودەكاتەوە كە بریتین لە:-
یەكەم/بەپێی ڕێنمایی دەستەی حەجی عێراق ئەركی دابینكردنی خواردن لە (عەرەفە و مینا) لە ئەستۆی دەستەی حەجی عێراقیدایە ئەویش بەپێی ئەو ڕێژە پارەیەی كە دەدرێتە دەستەكە بۆ ھەر حاجیيەك بڕی 3400 دۆلارە كە دەبووایە خواردنی مینا و عەرەفە لەو بڕە پارە دابینكرایە.
دووەم/ ھیچ حاجییەك چوار ڕۆژ لە ناوچەی مینا نامێنێتەوە، بەڵكو تەنها دوو ڕۆژ حاجییان لەمینا دەمێنێننەوە.
سێیەم/ بەداخەوە بەكاتێكی درەنگ دەستەی حەجی عێراق پەیامیان ناردووە كە ئامادەكارییان نەكردووە خواردنیان بۆ حاجییان ئامادەنەكردووە و ئەمەش بۆ كەمتەرخەمی ئەوان دەگەڕێتەوە.
چوارەم/ لەساتی گەیشتی ئەم كەمتەرخەمییەی دەستەی حەجی عێراق بەڕێوەبەرایەتیی گشتی حەج و عومرە لە ماوەیەكی زۆر زوو چارەسەری دۆخەكەی كرد و لەسەر ئەركی وەزارەتی ئەوقاف و كاروباری ئایینی /بەڕێوەبەرایەتی گشتی حەج و عومرە خواردنی پێویستی گەیاندە ھەموو حاجیانی كوردستان لە ناوچەی مینا.
