یونسێف: لە ئۆپەراسیۆنی کوشتنی جێگرەوەی بەغدادیدا شەش منداڵ کوژراون

سندوقی منداڵانی سەر بە نەتەوە یەکگرتووەکان ڕایگەیاند، لە ئۆپەراسیۆنی کوشتنی “ئەبو ئیبراهیم هاشمی ئەلقوڕەیشی”دا شەش منداڵ کوژراون و منداڵێکی کچیش بە سەختی برینداربووە.

یونسێف لە ڕاگەیەندراوێکدا دوای ئۆپەراسیۆنەکە دەڵێت، “ئۆپەراسیۆنی کوشتنی جێگرەوەی ئەبوبەکر بەغدادی زیانێکی زۆری بە ناوچەی مەدەنینشین گەیاندووە”.

بەپێی زانیارییەکان لەکاتی هەڵکوتانە سەر ماڵی جێگرەوەکەی بەغدادیدا ئەو سەرکردەیەی داعش خۆی تەقاندووەتەوە و بەهۆیەوە زیانی بە ماڵ و منداڵەکەی گەیاندووە.

بەپێی ئامارێکی یونسێف تەنها لە پارێزگای ئیدلب لە سوریا یەک ملیۆن و 200 هەزار منداڵ پێویستییان بە هاوکاریی مرۆیی هەیە.

بابەتی پێشتر

بەغدادی و جێگرەوەکەشی لە ناوچەكانی ژێر دەسەڵاتی توركیا لە سوریا كوژران

بابەتی دواتر

وێنە.. بەندیخانەی غوێران دوای کۆنترۆڵکردنەوەی

بابەتی پەیوەندیدار
Total
0
Share