ئۆپەراسیۆنەكانی بەغداد ڕەتیدەكاتەوە هێرشی مووشەكی كرابێتە سەر فڕۆكەخانەی نێودەوڵەتیی بەغداد.
میدیا عێراقییەكان بڵاویانكردەوە، ئەم بەیانییە چەند مووشەكێك لە فڕۆكەخانەی بەغداد كەوتوونەتە خوارەوە و هەروەها دەنگی زەنگی ئاگاداركردنەوە لە فڕۆكەخانەكە بیستراوە.
بەڵام فەرماندەیی ئۆپەراسیۆنەكانی بەغداد هەواڵەكەی ڕەتكردەوە و ڕایگەیاند، هێرشی مووشەكی نەكراوەتە سەر فڕۆكەخانەكە.
چەند ڕۆژی ڕابردوو فڕۆكەخانەی بەغداد بە چەند مووشەكێك كرایە ئامانج و فڕۆكەیەك پێكرا.
