قەرارگای قودسی هێزە زەمینییەکانی سوپای پاسداران ڕایگەیاند، هێرشی چەکداری کراوەتەسەر ئیدارەی ئیتڵاعاتی شاری سەروان و کەسێک کوژراوە و کەسێکی دیکە برینداربووە.
بەپێی زانیاریی ناوەندەکە دوێنێ دووشەممە کەسێکی چەکدار بە چەکی دەمانچە هێرشیکردوەتەسەر ناوەندەکە لە پارێزگای سیستان و بەلوچستان و کەسێکی بریندارکردووە، بەڵام چەکدارەکە کوژراوە.
ڤیدیۆیەکی ئەو تێکهەڵچوونە بڵاوبووەتەوە، کە تیایدا دەبینرێت هێزە ئەمنییەکانی شاری سەراوان کەسێک کە دەمانچەی بە دەستەوەیە دەکوژن و چەکدارەکەش لەبەردەم ئیدارەکەدا هەوڵی بەرگری دەدات، بەڵام دەکوژرێت.
بەپێی زانیارییەکانی چالاکانی بەلوچ ئەو کەسە ناوی “سادق نەزەری” بووە و بە دەمانچەوە چووەتەسەر ئەو ئیدارەیە، بەڵام هۆکاری ئەو ڕووداوەیان ئاشکرانەکردووە.
تۆڕی میدیایی ئێستا لەبەر پابەندبوون بە بنەماکانی کاری میدیایی ڤیدیۆکە بڵاوناکاتەوە.
