چەكدارە یاخیبووەكانی كۆنگۆ، ئاژەڵێكی پەنگۆلین-یان ڕفاندووە و لەبەرامبەر ئازادكردنیدا داوای پارە لە ڕێكخراوەكانی ژینگەپارێزی دەكەن.
پەنگۆلینەكە لە باخچەی نیشتمانیی ئاژەڵانی كۆنگۆ بووە، 12 گروپی چەكدار لە سنووری باخچەكەدا شەڕ و ململانێ دەكەن لەپێناو دەرامەت و كانزاكانی ناوچەكەدا.
ئەو چەكدارانەی پەنگۆلینەكەیان ڕفاندووە، چەند وێنەیەكی ئاژەڵەكەیان ناردووە بۆ ڕێكخراوەكانی ژینگەپارێزی بۆ ئەوەی بیسەلمێنن لە ژیاندا ماوە و لە بەرامبەر ئازادكردنیدا داوای پارە دەكەن.
ئادەمس كاسنگا، دامەزرێنەری ڕێكخراوی ژینگەپارێزی كۆنگۆ قسەی بۆ میدیای جیهانی كردووە و دەڵێت، “پارەدان بە یاخیبووەكان لەبەرامبەر ئازادكردنی پەنگۆلینەكەدا بیرۆكەیەكی باشنییە، چونكە هانیاندەدات لە داهاتوودا كاری لەو جۆرە دووبارە بكەنەوە”.
ڕاشیگەیاندووە، “ئەگەر پارەیان پێبدەین، ئەوا باخچەكە و هەموو سەگسارەكانی ناوی دەكەونە بەردەم مەترسیی ڕفاندن”.
ئەو چالاكوانەی بواری ژینگەپارێزی، هۆكاری دەستنیشانكردنی پەنگۆلینەكە بۆ ڕفاندن لەلایەن چەكدارەكانەوە، دەگەڕێنێتەوە بۆ گرنگیپێدانی كۆمەڵی نێودەوڵەتی بە ئاژەڵ لە كۆنگۆ و بەتایبەت ئاژەڵە دەگمەنەكانی وەك پەنگۆلین و دەڵێت، “كۆمەڵی نێودەوڵەتی پارەیەكی زۆر تەرخاندەكات بۆ پاراستنی ژینگە و ئاژەڵی دەگمەن، ئەوەش وایكردووە چەكدارەكان بە ئامانجیانبگرن”.
