بەڕێوەبەرانی یانەی ڕیاڵ مەدرید بەوریاییەوە مامەڵە لەگەڵ کەیسی ئێرلینگ هالاند دەکەن، لەوە دەترسن هەمان سیناریۆکانی کڕینی ئیدین هازارد دووبارە بکاتەوە.
ڕۆژنامەی “ئەی ئێس”ی ئیسپانی نووسیویەتی، ئیدارەی یانەی ڕیاڵ مەدرید لە بیرۆکەی کڕینی ئێرلینگ هالاند-ی هێرشبەری نەرویجی یانەی بوروسیا دۆرتمۆند کشاوەتەوە، بەڕێوەبەرانی یانە زەبەلاحەکەی ئیسپانیا ترسیان لەوەیە بەهۆی پێکانەوە سوود بە یانەکە نەگەیەنێت.
هالاند لە هاوینی 2022 نرخی گواستنەوەی دەبێتە 80 ملیۆن، چەندین یانەی وەک بەرشلۆنە و مانچستەر سیتی چوونەتە نێو هاوکێشەی کڕینیەوە، بەڵام داتا وەرزشی و تەندروستییەکان ترسیان بۆ سەرجەم یانە داواکارەکان دروستکردووە.
هالاندی 21 ساڵ لەدوایین دوو وەرزی یاریکردنی بۆ بوروسیا دۆرتمۆند 11 جار تووشی پێکان بووە، لە 25 یاریدا بەشداریی نەکردووە، لەم دواییەشدا دووچاری پێکانی دیکە بووە.
فلۆرنتینۆ پێرێزی سەرۆکی ڕیاڵ مەدرید و هاوکارانی بەگومانن، دەترسن دوای گواستنەوەی هەمان سیناریۆی پێکانەکانی ئیدین هازارد دووبارە بکاتەوە و یانەکە لە تواناکانی سوودمەند نەبێت.
هالاند لەم وەرزەدا 14 یاری بۆ ڤێستیڤالین کردووە و بە 16 گۆڵەوە پلەی سێیەمی ڕیزبەندیی گۆڵکارانی خولی ئەڵمانیای گرتووە.، پێنج گۆڵی ڕەخساندووە و لە چوار یارییدا بە “باشترینی یاری” دەستنیشانکراوە.
