ژووری ئۆپەراسیۆنی پارێزگای هەولێر دەڵێت، دوای ئەوەی لەلایەن وەزارەتی ئەوقافەوە هۆڵەكانی پرسەدانان كرانەوە، جگە لە هۆڵەکان پرسەدانان لە (ماڵ، کۆڵان، ژێرخێمە، باخچە و هەر شوێنێکی دیكەی گشتیى) بەهەموو شێوەیەک قهدهغهیه.
ژووری ئۆپەراسیۆنی پارێزگای هەولێر ڕاگەیەندراوێكی بڵاوكردەوە و تیایدا هاتووە، لەئێستادا بە بڕیارى وەزارەتى ئەوقاف و کاروبارى ئاینى هۆڵەکانى پرسەدانان بە ڕێنمایی و ڕێنوێنى تایبەت کراوەتەوە.
دەشڵێت، بەهۆى ئەو دۆخە مەترسیدارەى تەشەنەکردن و بڵاوبوونەوەى خێراى ڤایرۆسى کۆرۆناى نوێ (ئۆمیکرۆن) و بۆ پاراستنى سەلامەتیى تەندروستى گشتیى شارەکەمان و پارێزگاریکردن لەگیانى هاوڵاتییان، جگە لە هۆڵەکان، پرسەدانان لە (ماڵ، کۆڵان، ژێرخێمە، باخچە و هەر شوێنێکی دیكەی گشتیى) بەهەموو شێوەیەک قهدهغهیه.
ژووری ئۆپەراسیۆنی هەولێر دووپاتیشیدەكاتەوە، ههر كهسێك پابهندنهبێت سزادهدرێت، بنکەکانى پۆلیس، ئاسایش، شارەوانی و موختارى گەڕەکەکان ڕاسپێردراون چاودێرى سنوورەکانى خۆیان بکەن و ڕێکارى پێویست لەبەرامبەر هەر کەسێک بگرنەبەر کە سەرپێچى دەکات.
