بەهۆی نزمبوونەوەی پلەکانی گەرما و ئاستەنگی هاتوچۆ لە سنووری قەزای پێنجوێندا دوو ڕۆژ كرایە پشوو.
زانا ڕەحمان ڕەحیم، قائیمقامی قەزایی پێنجوێن لە ڕاگەیەندراوێكدا ئاماژەی بەوەكردووە، بەهۆی نزمبوونەوەی پلەکانی گەرما و بوونی ئاستەنگی هاتوچۆ لە سنووری قەزای پێنجوێندا ڕۆژانی یەکشەممەو دووشەممە پشووی فەرمی بێت لەسەرجەم فەرمانگەکانی سنووری قەزا پێنجوێن و هەردوو ناحیەی گەرمک و ناڵپارێز.
ماوەی چەند ڕۆژێكە شەپۆلێكی بەفربارین و سەرما هەرێمی كوردستانی گرتووەتەوە كەبووەتە هۆی ڕاگرتنی پرۆسەی خوێندن و پشووی فەرمانگەكان.
