لە یەكێك لە شوقەكانی پڕۆژەی نیشتەجێبوونی گۆیژە سیتی 3 لە سلێمانی ئاگركەوتەوە و لەلایەن تیمەكانی بەرگریی شارستانییەوە كۆنتڕۆڵكرا.
ئاوات عەلی، وتەبێژی بەرگریی شارستانیی سلێمانی بە تۆڕی میدیایی ئێستای ڕاگەیاند، لە شوقەی ژمارە 68ی عیمارە 3ی پڕۆژەی گۆیژە سیتی 3 لە سلێمانی ئاگركەوتنەوە ڕوویدا و لەلایەن هاوڵاتییان و تیمەكانی بەرگریی شارستانییەوە كۆنتڕۆڵكرا.
وتیشی، “ئاگركەوتنەوەكە زیانی گیانی نەبووە، تەنها زیانی ماددی لێكەوتووەتەوە”.
لەربارەی هۆكاری ڕووداوەكەوه، وتەبێژی بەرگریی شارستانی وتی، هێشتا دیارنییە و تیمەكانیان لەوێن، سەرقاڵی هەڵسەنگاندن و دیاریكردنی هۆكاری ئاگركەوتنەوەكەن.
