لەلایەن حكومەتی ناوەندییەوە 200 ملیار دینار خرایەسەر ئەژماری حكومەتی هەرێمی كوردستان.
سەرچاوەیەك لە وەزارەتی دارایی و ئابوریی هەرێم بە تۆڕی میدیایی ئێستای ڕاگەیاند، ئەمڕۆ لەلایەن وەزارەتی دارایی حكومەتی عێراقەوە بڕی 200 ملیار دینار خرایەسەر ئەژماری وەزارەتی دارایی هەرێم.
بۆ تەواوكردنی دابەشكردنی مووچەی مانگی كانونی یەكەمی ڕابردوو، حكومەتی هەرێم چاوەڕوانی گەیشتنی ئەو پارەیەی لە بەغدادەوە دەكرد.
ناردنی پارەكە كەوتووەتە ئەم مانگەوە، بەڵام حكومەتی هەرێم مووچەی مانگی ڕابردووی ئەو وەزارەت و فەرمانگانەی پێدابەشدەكات كە تائێستا مووچەیان وەرنەگرتووە.
