لە كەركوك بەهۆی دابەزینی پلەكانی گەرما و زیادبوونی حاڵەتەكانی تووشبوون بە كۆرۆنا دوو ڕۆژ كرایە پشوو.
شانەی قەیرانەكان، لە ڕاگەیەندراوێكدا ئاماژەی بەوەكردووە، بەهۆی زیادبوونی حاڵەتەكانی تووشبوون بە كۆرۆنا و دابەزینی پلەكانی گەرما ڕۆژانی چوارشەممە و پێنجشەممە پشووە لە خوێندنگاكان و باخچەكانی ساوایان.
ئەوەش لەكاتێكدایە، ماوەی چەند ڕۆژێکە شەپۆلێکی بەفربارین و سەرما شارەکانی هەرێم و ناوچەکەی گرتووەتەوە، هاوكات ژمارەی تووشبووانی گۆڕاوی ئۆمیكرۆنیش لە عێراق ڕووی لە بەرزبوونەوەكردووە و داوای ڕێككاری تەندروستی دەكرێت.
