ڕۆژنامەی فەرمیی عێراق: سەدر و چێوەی هەماهەنگی لەبارەی كاندیدی سەرۆك وەزیرانەوە ڕێككەوتوون

ڕۆژنامەی سەباح كە زمانحاڵی حكومەتی عێراقە، هاتنەئارای نیمچەڕێكەوتنێك لەنێوان سەدر و چێوەی هەماهەنگی لەبارەی پێكهێنانی حكومەت و پۆستی سەرۆك وەزیرانەوە ئاشكرادەكات و دەڵێت، عەلاوی زۆرترین چانسی هەیە ببێتە سەرۆك وەزیران.

جەواد پۆلانی پەرلەمانتاری دەوڵەتی یاسا بە ڕۆژنامەی فەرمیی حكومەتی عێراقی ڕاگەیاندووە، “ناكۆكی لەنێوان چێوەی هەماهەنگی و ڕەوتی سەدردا هەیە بەڵام دۆزە ستراتیژییەكان ئاماژە بۆ كۆكردنەوە و چارەسەركردنی دۆخەكە و یەكدەنگی دەكەن، لێكتێگەیشتنی باش لەنێوان سەدر و چێوەی هەماهەنگیدا هاتووەئاراوە و ئەوەش دروشمی چێوەی هەماهەنگییە بۆ هەموو هێزە سیاسییەكان”.

لای خۆیەوە لەیلا تەمیمی ئەندامی ئەنجومەنی نوێنەران بە ڕۆژنامەی سەباح-ی ڕاگەیاندووە، ڕێككەوتنی نێوان لایەنەكان لە قۆناغی گفتوگۆدایە و چێوەی هەماهەنگی گەیشتووە بە لێكتێگەیشتنی باش لەگەڵ كورد و سوننییەكان، لەگەڵ ڕەوتی سەدریشدا لە وتووێژدایە.

ڕۆژنامەی سەباح ئاشكرایكردووە، هەردوو لایەنی شیعی (ڕەوتی سەدر و چێوەی هەماهەنگی) گەیشتوون بە نیمچە ڕێككەوتنێك لەبارەی پۆستی سەرۆك وەزیرانەوە.

بەپێی ڕاپۆرتەكەی ڕۆژنامەكە، هەردوو لایەنە شیعییەكە لەسەر سێ ناو بۆ پۆستی سەرۆك وەزیران ڕێككەوتوون، دیارترینیان محەمەد تۆفیق عەلاوی-یە كە پێش كازمی كاندیدكرابوو بۆ پۆستی سەرۆك وەزیرانی كاتیی عێراق كە وەك ڕۆژنامەكە دەڵێت، “لە چەند كاتژمێری ڕابردوودا ئەو بووەتە خاوەنی زۆرترین چانس بۆ وەرگرتنی پۆستی سەرۆك وەزیران”.

بابەتی پێشتر

ئۆتۆمبێلێكی تێسلا 1200 كیلۆمەتر بەیەك بارگاویكردنەوە دەبڕێت

بابەتی دواتر

دهۆک.. بەهۆی کەشوهەواوە 17 ڕووداوی هاتوچۆ ڕوویانداوە و حەوت کەس برینداربوون

بابەتی پەیوەندیدار
Total
1
Share