تەندروستیی سلێمانی ڕایگەیاند، لە 24 کاتژمێری ڕابردوودا 280 کەس سەردانی نەخۆشخانەكانیان کردووە، 15 حاڵەتی شكاوی و 12 حاڵەتی ڕووداوی هاتوچۆ هەبوون.
لە ڕاگەیەندراوێکدا بەڕێوەبەرایەتیی گشتیی تەندروستیی سلێمانی ئاشکرایکرد، لەو 280 حاڵەتەی سەردانیكردنی نەخۆشخانەكان لە 24 كاتژمێری ڕابردوودا، 130 کەسیان بەمەبەستی وەرگرتنی چارەسەر داخڵکراون، 12 حاڵەتیشیان ڕووداوی هاتوچۆ بوون و 15یان شکاوی بوون.
تەندروستی ڕاشیگەیاندووە، 26 حاڵەتی سەردانیكردنەكان ڕووداوی کەوتن و نۆ حاڵەتیان لە ڕووداوە جۆراوجۆرەکانی دیکە بوون.
