دوو یانەی دیكەی شەوانە لە هەولێر داخران

یانە داخراوەكان فۆتۆ: قائیمقامیەتی هەولێر

شەوی ڕابردوو دوو یانەی دیكەی شەوانە لە هەولێر داخران، قائیمقامیەتی شارەكە دەڵێت، هەڵمەتەكە بەردەوام دەبێت.

قائیمقامیەتی قەزای ناوەندیی هەولێر بڵاویكردەوە، لە چێوەی بڕیارەکانی پارێزگای هەولێر بۆ ڕێگەگرتن لە دیاردەى ناشرین و دوور لە ئادابى گشتى و ڕوونەدانى ڕووداوى نەخوازراو و پاراستنى دابونەریت و بەهۆی سەرپێچی و پابەندنەبوون بە بڕیار و ڕێنماییەکان، شەوی ڕابردوو لەلایەن پۆلیسی شارەوانیی قائیمقامیەتی ناوەندی هەولێر، دوو یانەی دیكەی شەوانە داخران و ڕێکاری یاسایی لە بەرامبەر خاوەنەکانیان گیرایەبەر.

دەشڵێت، ئەم هەڵمەتە لەلایەن پۆلیسی شارەوانی و هێزە ئەمنییەکان بەردەوامە و هەر شوێنێک کاری نەشیاو و دزێوی تێدابکرێت و دووربێت لە ئادابی گشتی و ببێتە هۆی بێزاری هاوڵاتییان و لادان لە یاسا و جێبەجێنەکردنی بڕیارەکانی پارێزگا، خاوەنەکەی ڕووبەڕووی سزای توندی یاسایی دەکرێتەوە و شوێنەکەش دادەخرێت.

شەوی سێشەممەی ڕابردوو و ڕۆژێك دواتریش دوو یانەی شەوانە لەلایەن هێزە ئەمنییەكانی هەولێرەوە داخران، پۆلیسی هەولێر بڵاویكردەوە، لە یەكەمیاندا 180 كەس دەستگیركراون كە 77یان ژن بوون.

بابەتی پێشتر

جیاوازیی كاریگەرییەكانی ئۆمیكرۆن و گۆڕاوەكانی پێشوو لەسەر كەسانی ڤاكسیننەكراو ئاشكراكرا

بابەتی دواتر

هێرشێكی فڕۆكەی بێفڕۆكەوان بۆسەر بنكەی ئاسمانیی بەلەد پووچەڵكرایەوە

بابەتی پەیوەندیدار