بەدرێژایی چوار مانگ ڕۆژانە دوو كەس لە عێراق خۆیانكوشتووە

ئامارێكی “مەترسیدار”ی خۆكوژی لە عێراق بڵاوكرایەوە و لە ماوەی چوار مانگی ڕابردوودا ڕۆژانە دوو كەس خۆیانكوشتووە.

پۆلیسی كۆمەڵگەیی عێراق ئاشكرایكرد، ڕۆژانە دوو حاڵەتی خۆكوشتن تۆماردەكرێن و ماوەی چوار مانگە ئەو دیاردەیە تەشەنەیسەندووە و زیاتر لە 200 ڕووداوی خۆكوشتن لەو ماوەیەدا هەبوون.

لەگەڵ ڕاگەیاندنی ئامارەكەدا، پۆلیسی كۆمەڵگەیی عێراق ئەو توێژە تەمەنییەی ئاشكراكردووە كە زۆرترین حاڵەتەكانی خۆكوشتنی بەخۆیەوە بینیوە و دەڵێت، “ئەوانەی خۆكوژی دەكەن لە تەمەنی جیاوازدان، بەڵام زۆرینەیان تازەلاوان (هەرزەكاران)ن”.

لەبارەی هۆكار و پاڵنەرەكانی خۆكوژییەوە ئەو دامەزراوەیەی سەر بە وەزارەتی ناوخۆی عێراق ڕایگەیاندووە، خراپیی باری ئابوری، بێكاری، ئالوودەبوونی بەكارهێنانی ماددەی هۆشبەر، خراپبەكارهێنانی تۆڕە كۆمەڵایەتییەكان و توندوتیژیی خێزانی دیارترین هۆكارەكانی پشت بڵاوبوونەوەی دیاردەكەن.

بەشێك لەو كچ و ژنانەی هەواڵی خۆكوشتنیان بڵاوكراوەتەوە، دوای توێكاریی تەرمەكانیان دەركەوتووە بە پاساوی “شەرەف” كوژراون و خۆكوژییان نەكردووە، وەك پۆلیسی كۆمەڵگەیی عێراق ئاشكرایكردووە.

بابەتی پێشتر

حاڵەتێكی نوێی تووشبوون بە تای خوێنبەربوون لە كەركوك تۆماركرا

بابەتی دواتر

دووەم ئۆكسیدی كاربۆن گەیشتە بەرزترین ئاست لە مێژووی مرۆڤایەتیدا

بابەتی پەیوەندیدار
Total
0
Share