وهزیری تهندروستیی ههرێمى كوردستان ڕایدهگهیهنێت، سەرەتای شەپۆلی چوارەم، بەهێز و خێرا لە بڵاوبوونەوەی نەخۆشیی ڤایرۆسی كۆرۆنا و زنجیرەی گۆڕاوی ئۆمیکرۆن دەستیپێکردووە.
د. سامان بهرزنجى وهزیری تهندروستیی ههرێم، له گرتهیهكى ڤیدیۆییدا ئاماژهى بهوه كردووه، “پێویستە ڕێككارەكانی خۆپارێزیی كەسی زیاتر بكرێن”.
دهشڵێت، “ئاگاداری خۆتان و خانەوادە و منداڵەكانتان بن، گرنگترین ڕێككار وەرگرتنی ڤاكسینە لەگەڵ دانانی ماسك و دووركەوتنەوەی كۆمەڵایەتی و دوورکەوتنەوە لە شوێنی قەرەباڵغ.”
سامان بهرزنجى باسی لهوهشكردووه، سەرەتای شەپۆلی چوارەم بەهێز و خێرا لە بڵاوبوونەوەی نەخۆشیی ڤایرۆسی كۆرۆنا و زنجیرەی گۆڕاوی ئۆمیکرۆن دەستیپێکردووە.
وەزیری تەندروستی داواشیكردووه “لە كاتی بوونی نیشانەكانی نەخۆشییەکە، پێویستە سەردانی سەنتەرەكانی پشكنین و سەنتەرەکانی كۆرۆنا بكەیت”.
