وتەبێژی وەزارەتی دەرەوەی ئەمریکا ڕایگەیاند، دانوستانەکانی ڤیەننا بەرەوپێشچوونی لەسەرخۆیان بەخۆوەبینیوە، لەگەڵ ئەوەشدا پێویستمان بەوەیە بەرەوپێشچوونەکان خێراتربکەین.
نێد پرایس وتەبێژی وەزارەتی دەرەوەی ئەمریکا ئەمڕۆ چوارشەممە ڕایگەیاند، گفتوگۆکان لە ڤیەننای پایتەختی نەمسا بەردەوامییان هەیە و لەم ڕۆژانەی دواییدا بەرەوپێشچوونی لەسەرخۆیان بەخۆوەبینیوە.
بەڵام پرایس پێیوایە، “هاوشانی خێراکردنی بەرنامە ئەتۆمییەکەی ئێران، پێویستمان بەوەیە دانوستانەکان و بەرەوپێشچوونەکان لەوبارەیەوە خێراتربکەین”.
وتەبێژەكەی وەزارەتی دەرەوە دووپاتیكردەوە، ئەمریکا دەیەوێت بەشێوەیەکی تەواوەتی بگەڕێتەوە بۆ ڕێککەوتنی ئەتۆمیی 2015 لەگەڵ ئێران.
دوێنێش جان ئیڤ لۆدریان وەزیری دەرەوەی فەرەنسا ڕایگەیاند، دانوستانەکان سەبارەت بە دۆسیەی ئەتۆمیی ئێران “زۆر هێواشن”، ئەوەش مەترسییە بۆ گەیشتن بە ئەگەری گەیشتن بە ڕێككەوتن لەماوەیەكی گونجاودا.
