قائیمقامیەتی سلێمانی ڕایدهگهیهنێت، بەهۆی کەمبوونەوەی كاتژمێرهكانى کارەبای نیشتمانی و پێویستیی زۆر بە کارکردنی مۆلیدە ئەهلییەکەن، لیژنە هاوبەشەکانی قائیمقامیەتی سلێمانی سەردان و چاودێرییەکانیان بۆ مۆلیدە ئەهلییەکان زیاتر کردووە.
کوردۆ فایەق، سەرۆکی لیژنەی مۆلیدەی سەر بە لیژنە هاوبەشەکانی قائیمقامیەتی سلێمانی لە ڕاگەیەندراوێكدا ئاماژهى بهوهكردووه، ژمارەی سەردانەکانیان بۆ چاودێریکردنی کاری مۆلیدەکان زیاترکردووە.
دەشڵێت، “بەهۆی کارپێکردنی زۆرەوە، ڕۆژانە مۆلیدەکان تووشی کێشەی تەکنیکی دەبن، بهڵام هەر مۆلیدەیەک لە کاربکەوێت خاوەنەکەی ناچار دەکرێت لەماوەی یەک ڕۆژدا مۆلیدەی جێگرەوەی بۆ دابینبکات، ئەگەر پابەند نەبێت، سزاکەی هەتا لێسەندنەوەی مۆڵەت دەڕوات، چونکە ڕێگە نادەین هیچ گەڕەکێک بێ کارەبای مۆلیدە بێت”.
دهربارهى بەرنامەی کاری مۆلیدەکانیش، سهرۆكى لیژنهكه جهختى كردووەتەوە، قائیمقامیەت بە هەماهەنگی لەگەڵ بەڕێوهبەرایەتیی کارەبای سلێمانی كاتژمێرهكانى ئیشپێکردنی مۆلیدەکان دیاریدەکهن، بەرژەوەندیی هاوڵاتییان چی بخوازێت بڕیاری لێدەدرێت.
سەرۆکی لیژنەی مۆلیدە ئەهلییەکان داواشیکرد لەکاتی هەر گلەیی و گازندەیەک لە هەر مۆلیدەیەک، لە هەر کاتێکدا بێت هاوڵاتییان پەیوەندیی بە ژمارە مۆبایلی 07701363679 بکەن، تا بەدواداچوونی بۆ بکرێت.
