لەلایەن 98 پەرلەمانتارەوە پرۆژەیاسایەك بۆ بەتاوان ناساندنی سوکایەتیکردن بە پێغەمبەری ئیسلام پێشکەش بە سەرۆکایەتی ئەنجومەنی نوێنەران دەكرێت.
ساعدی لە راگەیەنراوێکدا ئاماژەی بەوەشدا، لە نوسراوێکیشدا کە ئاراستەی سەرۆکایەتی ئەنجومەنی نوێنەرانیان کردووە، داوایانکردووە پرۆژەیاساکە ڕەوانەی لیژنەی ئەوقاف بۆ کاروباری ئایینیی و لیژنەی یاسایی بکرێت تاوەکو پەلەبکرێت لە پەسەندکردنی.
باسی لەوەشکردووە، لە ناوەڕۆکی پرۆژەیاساکەدا ئاماژە بەوەدراوە ھەر کەسێک سوکایەتی بە پێغەمبەری ئیسلام بکات، ئەوا لە نێوان سێ بۆ ١٥ ساڵ زیندانی دەکرێت و جگە لەوەیش ھەر نێردەیەکی دیپلۆماتی ئەگەر سوکایەتی بە پێغەمبەر بکات ئەوا لە عێراق دەردەکرێت و نوێنەرایەتییەکەیشی دادەخرێت.
ئەو پەرلەمانتارە ڕوونشیکردووەتەوە، بەم پرۆژەیاسایە، ئەو بۆشاییە پڕدەکرێتەوە کە سەبارەت بە تاوان ناساندنی سوکایەتیکردن بە پێغەمبەر لە یاسای سزادانی عێراقدا بوونی ھەیە.
