فراكسیۆنى یهكێتى دهنگ به كاندیدى سوننهكان بۆ پۆستى سهرۆكى ئهنجومهنى نوێنهران دهدات، كە حەلبووسی-یە.
ئاسۆ فهرهیدون، كاندیدى دهرچووى یهكێتى له ئهنجومهنى نوێنهران به تۆڕی میدیایی ئێستاى ڕاگهیاند، “فراكسیۆنى یهكێتى دهنگ به محهمهد حهلبووسی كاندیدى سوننهكان دهدات بۆ پۆستى سهرۆكى ئهنجومهنى نوێنهران”.
ئاماژهى بەوهشكرد،”هۆكارى دواخستنى دانیشتنهكەى ئهنجومهنى نوێنهران ئهوهیه هێشتا سوننهكان لهگهڵ شیعهكان نهگەیشتوونهته ڕێككهوتن لهبارهى دهنگدان به حهلبووسی له دانیشتنهكهى ئهمڕۆی ئهنجومهنى نوێنهراندا”.
بڕیاربوو كاتژمێر 11:00ى ئهمڕۆ دانیشتنى ئەنجومەنی نوێنەران بهڕێوهبچێت و سهرۆكى ئەنجومەنەكە ههڵبژێردرێت، بهڵام بۆ دووەمجار لهسهریهك دانیشتنهكه بۆ كاتژمێر 3:00ى پاشنیوهڕۆ دواخرا و تائێستاش لایهنهكان نەگهیشتوونهته هیچ ڕێككهوتنێك.
