پۆلیسی هەولێر لە ڕاگەیەنراوێکدا نوسیویەتی، “پرسە و سەرەخۆشیی خۆمان ئاراستەی عەقید (عزالدین نجم الدین) بەڕێوەبەری پۆلیسی ناوشار / رۆژئاوا دەكەین، كە شەوی رابردوو لە گەڕەكی راستیی نوێ لە رووداوێكی نەخوازراودا لە كاتی ئەرك و جێبەجێكردنی فەرمانی دەستگیركردنی تۆمەتبارێك، تەقە لە تیمەكانی پۆلیس كرا و بووە ھۆی برینداربوونی بەڕێزیان و شەھیدبوونی كارمەندی پۆلیس (پەیوەند عزالدین)ی كوڕی و هەروەها زامداربوونی چەند كارمەندێكی تر”.
بەپێی زانیارییەکان،کاتێک پۆلیس هەوڵیداوە تۆمەتبارێک دەستگیر بکات، بەڵام تۆمەتبارەکە تەقەی لێکردوون و عەقید – عیزەدین، بەڕێوبەری پۆلیسی ناوشاری هەولێر و چوار پۆلیسی دیکە برینداربوون و پۆلیسێکیش کوژراوە.
بە گوێرەی زانیارییەکان، گولە بەر پشتی بەڕێوبەری پۆلیسی ناوشاری هەولێر کەوتووە ، لە نەخۆشخانەی ئێمێرجینسیی هەولێر لە ژێر چاودێریی چڕدایە.
