جولیان ناگیلسمان، ڕاهێنەری بایرن میونشن سەرسامیی خۆی لە ئاستی یاریزانەكانی بەرامبەر یانەی بوروسیا میونشنگلادباخ پیشاندا.
بایرن میونشن لە یەكەم یاریی ساڵی 2022 بە شكست دەستی پێكرد و (1-2) لە یاریگای خۆی بە گلادباخ دۆڕا.
ناگیلسمان پێیوایە یاریزانەكانی بەشێوەیەكی گونجاو مامەڵەیان لەگەڵ یارییەكەدا نەكردووە و ئاستێكی خراپیان پێشكەش كردووە.
وتیشی، “هەڵەی تاكی زۆر لە یاریزانەكانەوە هەبوون، ئەوەش كارئاسانی بۆ یاریزانەكانی تیپی بەرامبەر كرد باشتر یارییبكەن”.
ناگیلسمان پێیوایە شكستەكە لە جێی خۆیدا نەبووە و تەنها بەهۆی سێ هێرشی هەڵگەڕاوەوە دۆڕاون.
