بەرپرسێکی کۆمسیۆن وادەی راگەیاندنی ئاماری کاندیدان بۆ هەڵبژاردنی داهاتووی عێراق ئاشکرادەکات.
نەبەرد عومەر، سەرۆکی دەستەی هەڵبژاردنەکانی هەرێمی کوردستان لە کۆمسیۆنی باڵای سەربەخۆی هەڵبژاردنەکانی عێراق بە تۆڕی میدیایی ئێستای راگەیاند، پرۆسەی وردبینیکردن لە لیستی ناوی کاندیدەکان بۆ هەڵبژاردنی ئەنجومەنی نوێنەرانی عێراق بەردەوامە و کاتێک رێکارەکان تەواوبوون، ناوەکان بۆ وەزارەتی ناوخۆی هەرێم و عێراق و دواتریش بۆ دەستەی دەستپاکی دەنێردرێن.
وتیشی، ئەو کەسانەی کە بڕوانامەیان پێشکەشکردووە بڕوانامەکانیان دەنێردرێن بۆ ئەو شوێنانەی کە لێیان وەرگرتووە لەوانە وەزارەتی پەروەردە و خوێندنی باڵا بۆ دڵنیابوونەوە لە راستیی بڕوانامەکان.
لەبارەی راگەیاندنی ئامارەکان، نەبەرد عومەر وتی، پرۆسەی وردبینیکردنەکە 10 تاوەکو 15 رۆژ دەخایەنێت، و دوای ئەوە ئەنجومەنی کۆمسیاران بڕیار لەسەر بەکاندیدبوونیان دەدات و ئامارەکانیش رادەگەیەندرێن.
