تیمی پزیشكیی یانەی میلان ئاشكرایكرد، پشكنینی كۆرۆنای سێ یاریزانی یانەكەیان، پۆزەتیڤە.
لە بەیاننامەیەكدا یانەی میلان بڵاویكردەوە، هەرسێ یاریزان تومۆری و ڕۆمانیۆلی و كالابریا تووشی كۆرۆنا بوون و بۆ ماوەی 10 ڕۆژ لەژێر چاودێریی پزیشكیدا دەبن.
هەرسێ یاریزانەكەش لە لیستی یاریزانەكانی میلان بۆ یارییەكەی ڕۆما، كە بڕیارە ئەمشەو كاتژمێر 8:30 خولەك بەڕێوەبچێت، دوورخرانەوە.
یانەی میلان بە 42 خاڵ لە پلەی دووەمی ڕیزبەندیی خولی تۆپی پێی ئیتاڵیا دەبینرێت.
