پۆلیسی سۆران دەستگیركردنی تۆمەتبارێك ڕادەگەیەنێت و دەڵێت، پەیوەندی لەگەڵ دەیان كچ و ژن دروستكردووە و دواتر هەڕەشەی لێكردوون و بەكاریهێناون.
موقدەم شەماڵ دێواری، وتەبێژی بەڕێوەبەرایەتیی پۆلیسی سۆران ڕایگەیاند، ئەمڕۆ لەلایەن هێزەكانی پۆلیسی ناوشارەوە تۆمەتبارێك بەناوی (س.ص.ع.) و داواكراو لەلایەن دادگای لێكۆڵینەوەی زاخۆ دەستگیركرا.
وتیشی، “لە ئە‌نجامی لێكۆڵینەوە بۆمان دە‌ركە‌وت تۆمە‌تباری ناوبراو پەیوەندی خۆشە‌ویـستی لەگەڵ دەیان ئافرە‌ت دروستكردووە، دواتر ھە‌ڵساوە بە ھە‌ڕە‌شە‌لێكردن و بە‌كارھێنانیان”.
وتەبێژی پۆلیسی سۆران داواش لە هاوڵاتییان بە‌گشتی و ژنان بەتایبەتی دەكات هۆشیار و چاوكراوە‌بن و، بە‌شێوە‌یە‌كی تە‌ندروست تۆڕە كۆمە‌ڵایە‌تییەكان بە‌كاربھێنن، لە‌كاتی بوونی ھە‌ر كێشە‌یە‌كیشدا ئاگاداری پۆلیس بكە‌نە‌وە بە‌مە‌بە‌ستی یارمە‌تیدانیان و پاراستنیان لە‌ھە‌ر پلان و ھە‌ڕە‌شە‌یە‌كی ئە‌دە‌بی و ئە‌خلاقی.
هەر ئەمڕۆ بەڕێوەبەرایەتیی پۆلیسی سۆران ڕایگەیاند، ئەو تۆمەتبارەی ڕۆژی دووشەممە 3ی ئەم مانگە هاوژینی خۆی لە گوندی پردەشال-ی سەر بە ناحیەی وەرتێ كوشت، خۆی ڕادەستی بنكەی پۆلیسی وەرتێ كرد و لەسەر فەرمانی دادوەر و بەپێی ماددەی 406 لە یاسای سزادان بەندكرا.
