لەچێوەی یارییەکانی هەفتەی 38ی خوولی یانە پیشەگەرەکانی ئەمریکا (NBA)، تیمی فینێکس سەنز بردنەوەیەکی دیکەی تۆمارکرد و لە لوتکەی ڕیزبەندیی کۆمەڵەی خۆرئاوا نزیکبووەوە.
فینێکس سەنز لە دوایین ڕووبەڕووبوونەوەی بەرامبەر نیو ئۆرلیانز پیلیکانز بەئەنجامی (113-110) بردنەوەی تۆمارکرد، بەو بردنەوەیەش لە پلەی دووەمی ڕیزبەندیی کۆمەڵەی خۆرئاوا لە گۆڵدن ستەیت واریەرزی یەکەمی ڕیزبەندی نزیکبووەوە.
لەلایەکی دیکەوە، تیمی لۆس ئەنجلس لەیکەرز بە ئەنجامی (122-114) بردنەوەی ژمارە (20)ی ئەم وەرزەی بەرامبەر ساکرامینتۆ کینگز تۆمارکرد.
ئەنجامەکانی دیکەش بەم جۆرە بوون:
کلیڤلاند کاڤالێرز 106-110 مێمفس گریزلیس
تۆرینتۆ ڕاپتۆرز 129-104 سان ئەنتۆنیۆ سپێرز
نیو یۆرک نیکس 104-94 ئیندیانا پیسەرز
