ڤیاگرا تووشبوویەكی كۆرۆنای لە حاڵەتی كۆما چاككردەوە

خانمە پەرستارێک، دوای تووشبوونی بە کۆرۆنا و چوونە حاڵەتی بێهۆشییەوە “کۆما” بۆ ‏ماوەی چەند هەفتەیەک، بەهۆی وەرگرتنی ژەمێک حەبی ڤیاگراوە، چاکدەبێتەوە. ‏

ڕۆژنامەی دەیلی مەیل-ی بەریتانی بڵاویکردەوە، پەرستارێک، کە تەمەنی 37 ساڵە و ‏تووشبووی كۆرۆنا بووە و كەوتبووە حاڵەتی كۆماوە، بەهۆی وەرگرتنی ژەمێک حەبی ‏ڤیاگرا، (کە وەک چارەسەر بۆ لاوازیی سێکسی بەکاردەهێنرێت)، دوای تێپەڕینی 28 ‏ڕۆژ لە حاڵەتی کۆما، چاکبووەتەوە.‏

پزیشکەکان دەڵێن، ئەو ژەمە لە حەبی ڤیاگرا وەک یەکێک لە چارەسەرە ئەزموونییەکان بۆ ‏دۆخی سەختی تووشبووانی کۆرۆنا بەکارهێنراوە. ‏

مۆنیکا ئەلمایدا، کە تووشی کۆرۆنا بووە و کەوتووەتە حاڵەتی کۆماوە، پێشتر دوو ژەمی ‏ڤاکسینی وەرگرتووە، بەڵام لە مانگی تشرینی یەکەمی ڕابردووەوە تووشی کۆرۆنا بووە و ‏لە 9ی تشرینی دووەمدا بەهۆی خراپبوونی دۆخی تەندروستییەوە ڕەوانەی ‏نەخۆشخانەکراوە. ‏

خانمە پەرستارە تووشبووەكە، دوای هەفتەیەک لەچوونە نەخۆشخانە براوەتە بەشی ‏چاودێریی چڕ، دواتر كەوتووەتە دۆخی کۆماوە، دوای نزیكەی 28 ڕۆژ، لەو بەرنامە ‏چارەسەرەی بۆی دانراوە، ژەمێک حەبی ڤیاگرای وەک یەکێک لە چارەسەرە ‏ئەزموونییەکان پێدراوە، دوای وەرگرتنی ڤیاگراكە، لە مانگی کانونی یەکەمی ڕابردووەوە ‏دۆخی تەندروستیی نەخۆشەکە بەرەو باشبوون چووە.‏

بابەتی پێشتر

هەرێم دەبێت بە جێگرەوەی ئێران بۆ گواستنەوەی کاڵا لە تورکیاوە بۆ ئیمارات

بابەتی دواتر

لە هەولێر گلەیینامەی هاوڵاتییان لە کارەبا زیاترە لە سلێمانی

بابەتی پەیوەندیدار
زیاتر ببینە

كه‌مبوونه‌وه‌ى ڕێكکاره‌كانى ته‌ندروستى ڕێژه‌ى هاتنى گه‌شتیارانى بۆ هه‌رێم زیادكرد

وتەبێژی دەستەی گەشتوگوزاریی ھەرێم ڕایگەیاند، كه‌مبوونه‌وه‌ى ڕێكکاره‌كانى ته‌ندروستى ئەمساڵ ڕێژه‌ى هاتنى گه‌شتیارانى بۆ هه‌رێم زیادكرد و لە پشووەکانی…
Total
1
Share