خوشك و برایەكی دووانە لە ماوەی 15 خولەكدا لەدایكبوون، بەڵام یەكێكیان ساڵی 2021 و ئەوی تریان ساڵی 2022.
دایكەكە ناوی فاتمە مادریجال تروجیلۆیە و دانیشتووی ویلایەتی كالیفۆرنیای ئەمریكایە، شەوی سەری ساڵ لە ماوەی 15 خولەكدا دووانەیەكی بوو، وەك گۆڤاری پیپڵ بڵاویكردەوە.
ئەو نەخۆشخانەیەی دوو منداڵەكە تیایدا لەدایكبوون، لە تویتەر هەواڵەكەی بڵاوكردووەتەوە و دەڵێت، پێشوازییان لە هاتنەبوونی ئایلین یۆلاندا تروجیلۆ كردووە وەك یەكەم منداڵی ساڵی 2022، بەڵام ئەلفرێدۆ ئەنتۆنیۆ تروجیلۆی برای 15 خولەك پێش ئەو لەدایكبووە و بەدیاریكراوی كاتژمێر 11:45 خولەكی شەوی 31ی 12ی 2021 لەدایكبووە.
كارگێڕیی نەخۆشخانەگە ڕایگەیاندووە، ڕووداوەكە كەموێنەیە و ئەو دوو منداڵە لە ڕۆژ و مانگ و ساڵی جیاوازدا یادی لەدایكبوونیان دەكەنەوە. دایكەكەش دەڵێت، “بابەتێكی باوەڕپێنەكراوە، منداڵەكانم دووانەن، كەچی ئاهەنگی یادی لەدایكبوونیان جیاوازدەبێت”.
پێشتر و لە ساڵی 2019دا دووانەیەك لەداكبووبوون كە نەك تەنها ڕۆژ و مانگ و ساڵی لەدایكبوونیان جیاوازبوو، تەنانەت لە دوو دەیەی جیاوازیشدا هاتنەبوون، چونكە یەكێكیان لە كۆتا شەوی ساڵی 2019 و ئەوی تریشیان دوای 30 خولەك و لە بەرەبەیانی 1ی كانوونی دووەمی 2020دا لەدایكبووبوو.
