كهشناسیی ههرێم پێشبینی دهكات ئێوارەی ئەمڕۆ شەپۆلی بەفر و باران كۆتایی بێت، كە زیاتر پارێزگاكانی سلێمانی و هەڵەبجەی گرتووەتەوە و لە هەولێر و دهۆك نمەباران بووە، سبەینێش ئاسمانی هەرێم بە گشتی نیمچەهەور دەبێت.
بهڕێوهبهرایهتیی كهشناسی و بومهلهرزهزانیی ههرێمى كوردستان ڕهوشی كهشوههواى ئهمڕۆ و سبهینێی شارهكانى ههرێمى بڵاوكردهوه، بهپێی پێشبینییهكان، ئهمڕۆ دووشهممه ئاسمان پهڵهههور و باراناوى دهبێت، له ناوچه شاخاوییه سنوورییهكانیش بهفر دهبارێت.
ئاستی بارانبارینەكە لە سلێمانی هەڵەبجە زیاترە، لە هەولێر و دهۆك زیاتر نمەبارانە.
كەشناسی پێشبینی كردووه، ئێوارهى ئهمڕۆ ئهو شهپۆلهی باران و بهفر كۆتایی پێبێت.
بهرزرترین پلهكانى گهرمای ئهمڕۆش له ههولێر، 9 پله، سلێمانى 6 پله، دهۆك 8 پله، ههڵهبجه 9 پله و له كهركویش بهههمانشێوه 9 پله دهبێت.
ههروهها كهشناسیی ههرێم پێشبینیی كردووه، سبهینێ ئاسمان پهڵهههور بێت، لهگهڵ ئەگەری بارینى بهفرێكى كهم لهسهر لوتكهى شاخه بهرزه سنوورییهكان.
پلەكانی گەرماش بۆ سبەینێ كەمێك بەرزدەبنەوە.
