ئێران 125 کەسی وەک تۆمەتباری کوشتنی قاسم سولەیمانی دەستنیشانکردووە

ئێران لە دۆسیەی کوشتنی قاسم سولەیمانیدا 125 کەسی وەک تۆمەتباری سەرەکی ‏دەستنیشانکردووە، ترەمپ لە سەرەوەی لیستەکەدایە، نەشیانشاردووەتەوە، جگە لە ئەمریكا ‏و ئیسرائیل “خەڵکانێکی دیکەی وڵاتانی دراوسێش تۆمەتبارن”.‏

کازم غەریب ئابادی، جێگری داواکاری گشتیی ئێران بۆ کاروباری مافەکانی مرۆڤ ‏لەبارەی کوشتنی سولەیمانییەوە ڕایگەیاند، بەشێک لە تۆمەتبارانی کوشتنی قاسم ‏سولەیمانی دیارن و خۆیان بە زمانی خۆیان وتوویانە، بۆ نموونە دۆناڵد ترەمپ وتویەتی، ‏‏”بە فەرمانی من کوشتنی سولەیمانی جێبەجێكراوە”.‏

لەبارەی پاساوی ئەمریکا بۆ کوشتنی سولەیمانی، ئەو بەرپرسەی ئێران دەڵێت، “ئەمریکا ‏وتوویەتی کوشتنی ئەو دوو کەسە (سولەیمانی و موهەندیس) مافی بەرگری بووە، بەڵام ‏بەپێی یاسا بنەڕەتییەکانی نەتەوە یەکگرتووەکان و بەپێی مادەی 51 وڵاتێک دەتوانێت ‏مافی بەرگری بەکاربهێنێت کە هێرشی چەکداریی کرابێتەسەر، بەڵام ئێمە هێرشی ‏چەکدارییمان بۆسەر ئەمریکا نەبوو”.‏

جێگری داواکاری گشتیی ئێران بۆ کاروباری مافەکانی مرۆڤ ئاشکراشیکردووە، لەو ‏كەیسەدا 125 تۆمەتبار و بەشداریان دەستنیشانكردووە، وتیشی، “جگە لە ئەمریکی و ‏ئیسرائیلییەکان، خەڵکانێکی دیکە لە وڵاتانی دراوسێ تۆمەتبارن لەو ڕووداوەدا”.‏

بابەتی پێشتر

كۆرۆنا پاریسی خستە حاڵەتی ئامادەباشییەوە

بابەتی دواتر

لە 2018وە ساڵانە یەك كاتژمێر پێدانی کارەبا زیادیکردووە

بابەتی پەیوەندیدار
Total
0
Share