ناوەڕۆکی گفتوگۆکەی پوتین و بایدن

ئێوارەی دوێنێ ڤلادمێر پوتین و جۆبایدن، سەرۆکانی دوو گەورە زلهێزی جیهان لەڕێگای پەیوەندی تەلەفۆنییەوە 50 خولەک گفتوگۆیان کرد و پرسی ئۆکراین و بوونی هێزەکانی ناتۆ لە نزیک سنوورەکانی ڕوسیا زۆرترین گفتوگۆی لەبارەوە کراوە.

بە وتەی جان ساکی، وتەبێژی کۆشکی سپی، جۆبایدن لە پەیوەندییە تەلەفۆنییەکەدا هۆشداریداوە لە ئەگەری هێرشی ڕووسیا بۆسەر ئۆکراین و بە پوتینی ڕاگەیاندووە، “لە ئەگەری هێرشی ڕووسیا بۆ ئۆکراین ڕووبەڕووی ئەمریکا و هاوپەیمانانی دەبێتەوە”.

سەرچاوە هەواڵییەکانی ڕووسیا ئاشکرایدەکەن، ڤیلادمێر پوتینی سەرۆکی وڵات، هۆشداریداوە لە ئەگەری هەر جوڵەیەکی سەربازی ناتۆ، لە سنوورەکانی ڕۆژهەڵاتی ئەوروپا و ئەوەی بە هەڕەشەی جدی بۆسەر وڵاتەکەی زانیووە.

ئاماژە بەوەشکراوە، “پوتین لە گفتوگۆکەدا سەپاندنی سزای قورسی بەسەر ڕووسیادا بە هەڵەیەکی گەورە زانیووە و وتویەتی، ئەوە خزمەت بە هیچ لایەنێک ناکات و تەنها کێشەکان ئاڵۆزتر دەکات”.

لەگەڵ ئاڵۆزتربوونی گرژییەکان لەسەر پرسی ئۆکراین، لە ماوەی مانگێکدا ڤیلادمێر پوتینی سەرۆکی ڕووسیا و جۆبایدنی سەرۆکی ئەمریکا دووجار گفتوگۆیان کردووە.

لەماوەی ڕابردوودا ئۆکرانیا داوایکرد کە ببێتە ئەندام لە یەکێتی ئەوروپا و پەیمانی ئەتڵەسی باکور (ناتۆ) ئەوەش بەمانای نزیکتربوونەوەی هێزەکانی ناتۆ دادەنرێت لە سنوورەکانی ڕووسیا، بۆیە ئەو وڵاتە هێزی زیاتری کۆکردەوە و پێشتر والێکدرایەوە کە ڕووسیا هێرشدەکاتە سەر ئۆکرانیا.

بابەتی پێشتر

لە بۆردوومانی چەکدارەکانی نزیک لە تورکیا سێ ژن و منداڵی کورد لە حەسەکە کوژران

بابەتی دواتر

ئەو کچەی هەموو ژیانی پەمەییە

بابەتی پەیوەندیدار
زیاتر ببینە

گاردیان: تۆڕەکانی تورکیا پاسپۆرتی ساختە بۆ ئەندامانی داعش دەردەکەن بۆ گەیشتنیان بە ئەوروپا و ئەمریکا

لێکۆڵینەوەیەک کە ڕۆژنامەی گاردیانی بەریتانی ئەنجامیداوە دەریخستووە، لە تورکیا بەشێوەیەکی مەترسیدار پاسپۆرتی گەشتکردنی ساختە هاوشێوەی پاسپۆرتی فەرمی بۆ…
Total
0
Share