شانه‌یه‌كى “تیرۆریستى” له‌ كه‌ركوك ده‌ستگیركرا

له‌ کەرکوک دەستگیرکردنى شانەیەکى “تیرۆریست” ڕاگەیه‌ندرا، کە پلانى هێرشکردنە ‏سەر بەندیخانەیەكیان هەبووە لە پارێزگاکه‌.‏

وه‌زاره‌تى به‌رگریی عێراق له‌ ڕاگه‌یه‌ندراوێكدا ئاماژه‌ى به‌وه‌كردووه‌، ده‌زگای هه‌واڵگریی ‏و هێزه ‌ئه‌منییه‌كان چوار تیرۆریستیان ده‌ستگیركردووه‌، كه‌ پلانیانداناوە بۆ هەڵکوتانە سەر ‏بیناى بەندیخانەی “تەسفیرات” لە کەرکوك.‏

هه‌ر به‌پێی ڕاگه‌یه‌ندراوه‌كه‌، تاوانباره‌كان دانیانناوە بەوەی چاودێریى شوێنەکەیان کردووە ‏و زانیاریی ته‌واویان كۆكردبووه‌وه‌ بۆ هێرشكردنه‌ سه‌ر ئه‌و بەندیخانەیە.‏

به‌رگریی عێراق ڕوونیشیكردووه‌ته‌وه‌، یەکێک لە دەستگیرکراوەکان ناوى ئەو ‏هاوڵاتییانەى داوە بە داعش، كە هاوکاریى هێزە ئەمنییەکانیان كردووە، یەکێکى دیکەیان ‏بەڵگەنامەى ساختەى داوەتە داعش بۆ ئەوەى چەکدارەکانى بتوانن هاتوچۆ بکەن و خۆیان ‏لە هێزە ئەمنییەکان بشارنەوە.‏

بابەتی پێشتر

ده‌وامى پاسپۆرتى سلێمانى دەكرێتەوە بە به‌یانیان ‏

بابەتی دواتر

سه‌رۆك كۆمار واده‌ى یەكەم دانیشتنى خولی نوێی پەرلەمانی دیاریكرد

بابەتی پەیوەندیدار
Total
0
Share