وه‌زاره‌تى سامانه‌ سروشتییه‌كان گەرمیان لە نەوتی سپی بێبەشدەكات

بیانووی دابەشنەكردنەكە دانەبەزینی زۆری پلەكانی گەرمایە لە گەرمیان

سەرۆكی لیژنەی وزەی ئەنجومەنى پارێزگاى سلێمانی ڕایده‌گه‌یه‌نێت، وه‌زاره‌تى سامانه‌ سروشتییه‌كان دەیەوێت نەوتى سپى بەسەر دانیشتووانى گەرمیاندا دابەشنەکات و هۆکارەکەشى ئاشکرا دەکات.

کەریم عەلى، سەرۆكی لیژنەى پیشەسازى و وزە لە ئەنجومەنى پارێزگاى سلێمانى لە ڕاگەیەندراوێکدا ئاشكرایكردووە، “بەپێی بەدواداچوونمان، دابەشنەکردنی نەوتی سپیی ماڵان لە سنووری گەرمیان بەمەبەستە و دەویسترێت ئەمساڵ لە سنووری گەرمیان نەوت دابەشنەکرێت”.

بەوتەی سەرۆكی لیژنە تایبەتمەندەكە، بیانووی دابه‌شنه‌كردنى نه‌وت له‌ گەرمیان ئه‌وه‌یه‌ كە پلەکانی گەرما لەو ناوچەیە زۆر دانابەزێت، بەڵام ئەو کارە بە “غەدرێکی ڕوون و ئاشکرا لە دانیشتووانی سنووری گەرمیان” وەسفدەكات، دەڵێت، “لە کاتێکدا لە هەموو ناوچەکانی دیکەی هەرێمی کوردستان، ڕێژەیەک نەوتی سپی دابەشکراوە و ڕۆژانەش نزیکەی (50) هەزار بەرمیل نەوتی خاو لە گەرمیان دەردەهێنرێت، بەڵام هاوڵاتییانیشی بێبەشدەکرێن لە پێدانی نەوتی سپی”.

سەرۆكی لیژنەی وزەی ئەنجومەنى پارێزگاى سلێمانى جەختیکردووەتەوە، بەدواداچوون بۆ ئەو پرسە دەکەن و هەموو هەوڵێک دەدەن بەشی هاوڵاتییانی سنووری گەرمیان لە نەوتی سپی بنێردرێت، بە هەمان ئەو ڕێژەیەی لە سنوورەکانی دیکە دابەشکراوە .

بابەتی پێشتر

ئەمساڵ تەنها پەكەكە و حدکا لە ڕۆژهەڵاتی کوردستان چالاكییان هەبووە

بابەتی دواتر

تاڵیبان نمایشكردنی زنجیرە بیانییەكان لە تەلەڤیزیۆنە ناوخۆییەكان قەدەغەدەكات

بابەتی پەیوەندیدار
زیاتر ببینە

نوێنەری پەنابەرانی باکووری کوردستان: بکوژانی کوردانی باکوور لە رێگەی هەولێرەوە رزگاریان دەبێت و دەچنەوە بۆ تورکیا

نوێنەری پەنابەرانی باکووری کوردستان لەبارەی کوژرانی هاوڵاتییەکی باکووری کوردستان لە ناو فامیلی مۆڵی دهۆک رایگەیاند، “ئەمڕۆ دوو رۆژە…
Total
0
Share