اژانسی فەرمی حکومەتی سوریا ئاشکرایکرد، بەیانی ئەمڕۆ سێشەممە ئیسرائیل بە چەند مووشەکێک هێرشیکردووەتە سەر بەندەرێکی لازقییە و زیانی بە چەند بینایەک گەیاندووە.
بەپێی هەواڵی ئاژانسی سانای سوری، هێرشەکە زیانی بە بینای نەخۆشخانەیەک و چەندین ماڵی هاوڵاتییان گەیاندووە.
بەپێی ئەو ڤیدیۆیانەی بڵاوکراونەتەوە، لەکاتی بۆردوومانەکەدا ماددەیەک دەسوتێت و ئاگرێکی زۆر بەرزدەبێتەوە، کە تائێستا نازانرێت ماددەکە چی بووە.
ئەوە دووەمین هێرشی سوپای ئیسرائیلە بۆسەر بەندەری لازقییە، دوو هەفتە پێش ئێستاش ئیسرائیل بەهەمان شێوە شوێنێکی لە بەندەری لازقییە بۆردوومانکرد.
سوپای ئیسرائیل دەڵێت، هێرشەکانی بۆسەر بەندەر و شوێنەکانی دیکەی سوریا چەک و مووشەک و کەرەستەکانی ئێران و حزبوڵا دەكاتە ئامانج، کە لە نزیکی ئیسرائیل کۆیدەکەنەوە، یان بۆ هاوکاریی بەشار ئەسەد کۆگای دەکەن.
ئەگەرچی بنکەی سەربازیی “حەمیم” کە شوێنی سەرەکی مانەوەی ڕوسیایە لە سوریا نزیکی لازقیەیە، بەڵام تا ئێستا ڕوسیا هیچ کاردانەوەیەکی توندی نەنواندووە.
Israel is reported to have carried out airstrikes against the Latakia port around 3am pic.twitter.com/E80zKltJ40
— Anna Ahronheim (@AAhronheim) December 28, 2021
