گەڕان بەدوای تەرمی دانەر-ی 10 مانگدا دەستیپێكردووە، دوای ئەوەی بەهۆی ئامێرێكی تایبەتەوە زانراوە تەرمەكەی لەكوێدایە.
دوێنێ وا بڵاوكرایەوە، بەهۆی ئامێرێكی پێشكەوتووەوە توانراوە شوێنی تەرمەكەی دانەر دەستنیشانبكرێت، كە لە ماوەی ڕابردوودا بەهۆی لافاوەوە لە هەولێر خنكا و تا ئێستا تەرمەكەی نەدۆزراوەتەوە.
پەیامنێری تۆڕی میدیایی ئێستا لە هەولێر گواستیەوە، تیمێكی ژێرئاوگەڕ (غواص)، لەناو بەنداوی عەوێنە-ی نزیك هەولێر دەستیانكردووە بە گەڕان بەدوای تەرمی قوربانییەكەدا.
هێزە ئەمنییەكان ڕێگە بە میدیاكان نادەن ڕووماڵی گەڕانەكە بكەن، تیمەكانی میدیایان دوورتر لە ناوچەی گەڕانەكە هێشتووەتەوە.
