لەم چەند وێنەیەدا کە لەلایەن چەند گروپێکی هونەری وێنەگرتنەوە هەڵبژێردراون، بەشێک لەو وێنانەی ساڵی 2021 هەڵبژێردراون، کە دەکرێت هەم وێنەبن، هەم چیرۆک، هەم تابلۆیەکی هونەری.
وێنەی منداڵێکی هەشت ساڵان کە دەموچاوی بە ڕۆنی خۆراکی و چەند مادەیەکی دیکە ڕووپۆشکردووە، تا وەک پەیکەرێکی برۆنزی دەرکەوێت و هاوکاریی کارەکەی بکات کە “دەرۆزەکردنە”.
وێنەی منداڵێکی فەڵەستینی لە شاری غەزە یەکێکی دیکەیە لە وێنە کاریگەرەکان، ئەم وێنەیە چیرۆکەکەی بۆ شەڕی نێوان حەماس و ئیسرائیل دەگەڕێتەوە، کاتێک کچێکی فەڵەستینی لە ماڵەکەی خۆیانەوە سەیری دەرەوە دەکات، لە کاتێکدا ماڵەکەیان مووشەکێکی بەرکەوتووە.
وێنەیەکی دیکە وێنەی سیمۆن کوفیە، وەزیری دەرەوەی دوورگەی توڤالو، کاتێک بەشداری لە لوتکەی گڵاسکۆی ئەمساڵکرد، بەم شێوەیە لەبارەی گۆڕانکاریی کەشوهەوا و بەرزبوونەوەی ئاستی دەریا قسەیکرد.
دوو بۆشاییگەری ئیسرائیلی ڕاهێنان دەکەن، بۆ چۆنیەتی گەیشتنیان بە مەریخ، ئەگەرچی تا ئێستا مرۆڤ پێی نەخستووەتە سەر ئەو هەسارەیە.
وێنەی چەند ناڕازییەک لە بەستنی لوتکەی گڵاسکۆ بۆ گۆڕانکاریی کەشوهەوا، ئەو سێ کەسە بەشێوەیەکی جیاواز گوزارشت لە کاریگەرییەکانی مرۆڤ دەکەن بەسەر سروشت و هەسارەی زەوییەوە.
ڕووبارێک لە بالکان، بەناوی “لیم” بەهۆی فڕێدانی پاشماوەی پلاستیکییەوە لەلایەن مرۆڤەوە سروشتەکەی لەدەستداوە.
لایەنگرانی دۆناڵد ترەمپ، دوای دەرنەچوونی لە هەڵبژاردنەکانی ئەمریکادا، هێرشیانکردە سەر کۆنگرێسی ئەمریکا.
براوەی خەڵاتی باشترین وێنەی ژینگەیی بۆ ئەمساڵ، “کۆتا هەناسە” مێردمنداڵێک بە ماسکێکی ئۆکسجینەوە هەوڵی گۆڕینەوەی ئۆکسجین و نایترۆجین دەدات لەنێوان خۆی و ڕووەكێكی سەوزدا.
وێنەکان : GETTY IMAGES
